සමුද්‍ර විශ්ලේෂණ වෙළඳපොලට පැමිණි නව ක්‍රීඩකයින් කවුරුන්ද?
(ෆෙටීනි සෙරෝනි)
වෙළඳපල තුළ වැඩි විනිවිදභාවයක් සහ කාර්යක්ෂමතාවයක් ගෙන ඒම සඳහා දත්ත සහ විශ්ලේෂණ භාවිතා කිරීමේ වටිනාකම සමුද්‍රීය කර්මාන්තය දිගු කලක් තිස්සේ වටහාගෙන ඇත. ගෝලීය වෙළඳාම තේරුම් ගැනීමට, නැව් මෙහෙයුම් ප්‍රශස්ත කිරීමට, ඔවුන්ගේ භාණ්ඩ සඳහා පූර්ණ දෘශ්‍යතාව ලබා ගැනීමට සහ වරාය මෙහෙයුම් කාර්යක්ෂමතාව වැඩි කිරීමට ලොව පුරා සමාගම් වැඩි වැඩියෙන් සමුද්‍රීය විශ්ලේෂණ සඳහා ආයෝජනය කරයි.
සමුද්‍රීය සහ නාවික ලෝකයේ දියුණු සහ බුද්ධිමත් විසඳුම් සඳහා වැඩිවන ඉල්ලුම හඹායමින් නවෝත්පාදනවල හදිසි අවශ්‍යතාවය අවබෝධ කරගත් සමුද්‍ර තාක්‍ෂණ සමාගම් සංඛ්‍යාව වැඩි වෙමින් පවතින අතර, ඔවුන් ඔවුන්ගේ දත්ත පිරිනැමීම් වැඩිදියුණු කිරීමට සහ වඩාත් දියුණු විසඳුම් සංවර්ධනය කිරීමට ක්‍රම සොයමින් සිටී. මෙම නව තාක්‍ෂණයන් සහ සමුද්‍රීය බුද්ධිය අරමුණු කරන්නේ අකාර්යක්ෂමතා වඩාත් හොඳින් විසඳීමට සහ සමුද්‍ර කර්මාන්තයේ වඩාත් සංකීර්ණ අභියෝග කිහිපයක් සරල කිරීමට උපකාර කිරීමයි.
ගෝලීය නැව් ලුහුබැඳීම සහ සමුද්‍රීය බුද්ධිය සඳහා ප්‍රභවය වන MarineTraffic හි, සිදුවන පරිවර්තනයෙහි අපි ඉදිරියෙන්ම සිටිමු. අපි අපගේ නිෂ්පාදන පුළුල් කිරීමට ක්‍රම නිරන්තරයෙන් ගවේෂණය කරමින් සිටින අතර, අපි හොඳම, වඩාත්ම යාවත්කාලීන තාක්‍ෂණයන් භාවිත කරන බවට සහතික කරගනිමින්, සහ දැනටමත් පවතින MarineTraffic නිෂ්පාදන වැඩිදියුණු කරන්නෙමු.
“අපි තාක්‍ෂණය හරහා නැව් කර්මාන්තයේ නව පරිවර්තනයක් කිරීමට දැඩි උනන්දුවක් දක්වන අතර නැව් ලුහුබැඳීමේ සහ සමුද්‍ර විශ්ලේෂණ අවකාශයේ ජල ප්‍රමාණය සලකුණු නොකල කිසිදු ස්ථානයක් ඉතිරි නොකිරීමට අපි කැපවී සිටිමු” යනුවෙන් MarineTraffic හි අලෙවි ප්‍රධානී නිකොලා පැරොබෙලි පවසයි.
එහිදී “සෑම විටම පාරිභෝගිකයාට මුල්තැන ලබාදෙමින්, අපි සාගර විශ්ලේෂණය, සහ නිෂ්පාදන සංවර්ධනය කිරීම සහ එකතු කල අගය මත වටිනා විසඳුම් එක්කිරීම දිගටම කරගෙන යනවා,,” නිකොලා වැඩිදුරටත් පැවසීය.
විශ්ලේෂණවල බලය උපයෝගී කර ගනිමින් සැබෑ ජීවිතයේ අභියෝගවලට මුහුණ දීම කෙරෙහි අවධානය යොමු කර ඇති අතර, අපගේ නවතම සමුද්‍ර විශ්ලේෂණ විසඳුම් සැපයුම් දාමය, ඊළඟ මට්ටමේ නැව් මෙහෙයුම් සහ උසස් වරාය විශ්ලේෂණ සඳහා තත්‍ය කාලීන දෘශ්‍යතාව සක්‍රීය කරයි.
පසුගිය වසර කිහිපය තුළ, සමුද්‍ර ඩිජිටල්කරණ භූ දර්ශනය වෙනස් වෙමින්, විශ්ලේෂණවල බලය වැළඳ ගනිමින් සහ නව අවස්ථා නිර්මාණය කිරීම අපි දුටුවෙමු.
ඉතින් සමුද්‍රීය විශ්ලේෂණ අවකාශයේ අලුත් මොනවාද?
ගෝලීය සමුද්‍ර විශ්ලේෂණ අවකාශයේ බොහෝ නවක ආරම්භකයින් කිහිපදෙනෙක් විශේෂ අනුපිළිවෙලකින් ඉස්මතු කිරීමට අපි කෙටි ලැයිස්තුවක් නිර්මාණය කළෙමු. මෙම සෑම නවකයෙක්ම සමුද්‍ර විශ්ලේෂණ සඳහා තමන්ගේම අද්විතීය ප්‍රවේශයක් ගෙන එන අතර, ඒ සෑම එකක්ම කර්මාන්තය තුළ සැලකිය යුතු බලපෑමක් ඇති කිරීමට හැකියාව ඇත. වරාය ඩිජිටල්කරණයේ සිට ගුවන් යානා විමෝචන වාර්තා කිරීම, උසස් ජල ආරක්ෂණ විසඳුම්, යාත්‍රා භාවිතය සහ වාහක විශ්වාසනීය විශ්ලේෂණ දක්වා, නැරඹිය යුතු ආරම්භක පහ මෙන්න.
Harbor Lab
වසර දෙකකට පෙර ආරම්භ කරන ලද, ඇතන්ස්හි පිහිටි Harbour Lab නැව් සමාගම සඳහා ඔවුන්ගේ DA (බෙදාහැරීම් ගිණුම්කරණ) ක්‍රියාවලීන් ප්‍රශස්ත කිරීමට සහ ක්ෂණික වරාය පිරිවැය ගණනය කිරීම් හරහා කාර්යක්ෂමතාව වැඩි කිරීමට නව්‍ය මෘදුකාංගයක් සපයයි. උසස් විශ්ලේෂණ සහ ඇල්ගොරිතම මගින් බල ගැන්වෙන සහ විශාල දත්ත සමුදායකින් තොරතුරු ඒකාබද්ධ කිරීමෙන්, ඔවුන්ගේ මාර්ගගත ක්‍රමවේදය වරාය පිරිවැය කළමනාකරණය හරහා දෘශ්‍යතාව වැඩි කිරීම සහ පසු-කාර්යාල පරිපාලනයේ ප්‍රධාන ක්‍රියාවලීන් ස්වයංක්‍රීය කිරීම අරමුණු කරයි.
Sailplan
2020 දී එක්සත් ජනපදයේ ආරම්භ කරන ලද, මෙම සමාගම සමුද්‍රීය විමෝචන ප්‍රශස්තිකරණ පැලැට්ෆෝමයක් සපයයි, පාරිසරික පියසටහන අඩු කිරීමට සහ සමුද්‍ර කර්මාන්තය සඳහා පිරිසිදු NetZero අනාගතයක් ලබා දීමට උපකාරී වේ. Sailplan හි බුද්ධිමත් නාවික පැලැට්ෆෝමය පරිශීලකයින්ට තත්‍ය කාලීන දත්ත භාවිතයෙන් නැව් විමෝචනය නිරීක්ෂණය කිරීමට, වාර්තා කිරීමට සහ අඩු කිරීමට හැකියාව ලබා දේ.
Fregata Space
විශාල දත්ත සහ යන්ත්‍ර ඉගෙනුම් ඇල්ගොරිතම භාවිතා කරමින්, Fregata Space ජල ආරක්ෂණ නිරීක්ෂණ SaaS වේදිකාවක් ලබා දෙයි. 2020 දී ආරම්භ කරන ලද, ස්පාඤ්ඤ ආරම්භය චන්ද්‍රිකා ඡායාරූප සහ අනෙකුත් දත්ත ප්‍රභවයන් ඇතුළු බහු දත්ත කට්ටල හරහා ජල මූලාශ්‍රවල දූෂක හඳුනා ගැනීම, නිරීක්ෂණය කිරීම සහ පාලනය කිරීම අරමුණු කරයි.
FreightFlows
මෙම සමාගම වෙළඳුන්, නැව්කරුවන්, හිමිකරුවන් සහ තැරැව්කරුවන් සඳහා පුරෝකථන විශ්ලේෂණ සපයන සමුද්‍ර සමාගමකි. ඔවුන්ගේ පුරෝකථන සමුද්‍රීය බුද්ධි පැලැට්ෆෝමය, විශ්ලේෂණ, විශාල දත්ත ආකෘති නිර්මාණය සහ යන්ත්‍ර ඉගෙනීම ඒකාබද්ධ කරන අතරම කුලියට ගැනීම, මෙහෙයුම් සහ යාත්‍රා භාවිතය ප්‍රශස්ත කිරීම සඳහා වාණිජ නැව් මෙහෙයුම් ප්‍රක්ෂේපණය කිරීම කෙරෙහි අවධානය යොමු කරයි. මෙම සමාගම 2018 දී ආරම්භ කරන ලද අතර එහි මූලස්ථානය එක්සත් ජනපදයේ පිහිටා ඇත.
eeSea
කෝපන්හේගන් පදනම් කරගත් මෙම සමාගම eeSea 2016 දී ආරම්භ වූ අතර ගෝලීය බහාලුම් නැව් කර්මාන්තය සඳහා දෘශ්‍යතාව සහ පුරෝකථනමය විශ්ලේෂණය සපයයි. බහු දත්ත මූලාශ්‍ර, ඓතිහාසික දත්ත, යන්ත්‍ර ඉගෙනීම සහ කෘතිම බුද්ධිය (AI) ඒකාබද්ධ කිරීමෙන්, ඔවුන්ගේ පැලැට්ෆෝමය යාත්‍රා ලුහුබැඳීම සහ පුරෝකථනය, වාහක විශ්වාසනීය විශ්ලේෂණ, ලයිනර් කාලසටහන් තොරතුරු, ගෝලීය ලයිනර් සේවා සහ වරායන් සහ පර්යන්ත පිළිබඳ වෙළඳපල බුද්ධිය සමඟින් ඉදිරිපත් කරයි.
සෑම වසරකම ගෝලීය සමුද්‍රීය විශ්ලේෂණ වෙළඳපොළට නව තාක්‍ෂණයන් සහ ආරම්භකයින් ඇතුළු වන බව අප දන්නා බැවින් සමුද්‍රීය කර්මාන්තය යනු තරමක් සාම්ප්‍රදායික කර්මාන්තයක් වන අතර වෙනස් වීමට ප්‍රමාදවීම ප්‍රසිද්ධිය නැති වී යාමට පටන් ගැනීමකි.
මෙම ප්‍රකාශනයේ ප්‍රකාශිත අදහස් කතුවරුන්ගේ අදහස් වේ. ඒවා ප්‍රකාශකයාගේ අදහස් හෝ දැක්ම පිළිබිඹු කිරීමට අදහස් නොකරයි.
පරිවර්තනය – ෂකිලා එච්. අතුකෝරල
