සැපයුම් දාම අර්බුදයේ කාලයන් තුලදී “ස්වයංක්‍රීය හඳුනාගැනීමේ පද්ධතිය” (AIS) හි වැදගත්කම

සමුද්‍රීය ප්‍රවාහන සේවා සපයන්නන් මුහුණ දෙන අභියෝග දිනෙන් දින සංකීර්ණ වෙමින් පවතී.

-ජැන් හෝෆ්මන්-

UNCTAD හි සමුද්‍රීය ප්‍රවාහනය පිලිබද සමාලෝචනය 2021 (RMT) නොවැම්බර් 18 දින දියත් කරන ලද අතර, 1968 සමාරම්භක වාර්තාවේ සිට පෙර නිකුත් වූ ඕනෑම නිකුතුවකට වඩා එය,  ස්වයංක්රීය හඳුනාගැනීමේ පද්ධති (AIS) දත්ත මගින් ජනනය කරන ලද සංඛ්‍යාලේඛන සහ තීක්ෂණ බුද්ධියෙන් ප්‍රතිලාභ ලබා ඇත.

කොහේද, කීයක්ද, කොපමණ වේගවත්ද සහ කොපමණ විශාලද?

නාවික ගමනාගමනය විසින් සපයනු ලබන දත්ත කට්ටල මත පදනම්ව, නැව් සහ ඒවායේ ගමන් පිළිබඳ විවිධ විචල්‍යයන් අතර සම්බන්ධය සමඟ, නැව් වරායට පැමිණීමේ භූගෝලීය සටහන් නිරෑපණය කරන සිතියම් සහ රූප සටහන් කිහිපයක් මෙම සමාලෝචනයට ඇතුළත් වේ.

පහත රූප සටහන 1 හි දැක්වෙන්නේ බහාලුම් නැව් වරායන් වල නැවතීමේ භූගෝලීය ව්‍යාප්තිය සහ නැවක් වරායේ ගත කරන කාලයේ මධ්‍ය අගයයි. එසේම රූප සටහන 2 හි Plotter රූප සටහනක් මගින්, වරායේ ගතකරන මධ්‍ය කාලය, වරායට පැමිණෙන නැව් ගණන සහ එක් එක් රට සඳහා උපරිම යාත්‍රා ප්‍රමාණය  නිරූපණය කරයි.

රූපය 1: වරායේ මධ්‍ය කාලය සහ බහාලුම් නැව් ඇමතුම් ගණන, 2020
රූපය 2: වරායේ මධ්‍ය කාලය, වරාය ඇමතුම් ගණන, එක් රටකට උපරිම යාත්‍රා ප්‍රමාණය, බහාලුම් නැව්, 2020


මූලාශ්‍රය: UNCTAD, සමුද්‍රීය ප්‍රවාහනය පිළිබඳ සමාලෝචනය 2021, http://unctad.org/RMT

නැව් අඩුම කාලයක් වරායේ ගත කරන්නේ කුමන රටවලද?

වරාය ඇමතුම් වල බෙදා හැරීමේ අන්ත දෙක අනුව මෙය මූලික වශයෙන් කණ්ඩායම් දෙකකට වර්ග කර ඇත. එනම්, පොරොත්තු කාලයක් හා තදබදයක් නොමැති නිසාත් එක් වරාය ඇමතුමකදී බෑම සහ පැටවීම සිදු වන්නේ බහාලුම් කිහිපයක් පමණක් නිසාත් ඉතා අඩු වරාය නැවතුම් ප්‍රමාණයක් ඇති රටවල් වේගවත් ලෙස හැදින්වේ. එසේම විශාල ආර්ථිකයන් සඳහා පවතින පරිමාණයේ ආර්ථිකයන් සහ සම්පත් වරාය යටිතල පහසුකම් සහ නවීන තාක්ෂණයන්හි ආයෝජන සඳහා ඉඩ සලසන බැවින්, වරාය ඇමතුම් රාශියක් ඇති රටවල් ද වේගවත් හැරවුම් කාලයන් වාර්තා කරයි.

බෙදාහැරීමේ මධ්‍යයේ, වරායේ විවිධ මධ්‍ය කාලයන් සහිත පුළුල් පරාසයක රටවල් පවතින අතර, වරාය කාර්යක්ෂමතාවයේ සහ කළමනාකරණයේ වෙනස්කම් මගින් අවම වශයෙන් අර්ධ වශයෙන් පැහැදිලි කළ හැකිය.

ආශ්‍රිත කියවීම: වෙළඳ සැපයුම්වල ඩිජිටල් පරිවර්තනය

සමුද්‍රීය ප්‍රවාහනය පිලිබද සමාලෝචනය(RMT) තුළ ස්වයංක්‍රීය හඳුනාගැනීමේ පද්ධතිය(AIS) භාවිතයේ පරාසය

මෙම වසරේ RMT ප්‍රකාශනයේ AIS දත්ත භාවිතය පුළුල් වන අතර අමතර අන්තර්ගතයන් සමඟ කර්මාන්තයේ සහභාගිවන්නන් කිහිප දෙනෙකු දායක වේ. උදාහරණයක් ලෙස, සමුද්‍රීය ප්‍රවාහනය පිලිබද සමාලෝචන ප්‍රකාශනයෙහි හි 4 වන පරිච්ඡේදයේ, සමුද්‍ර ගමනාගමන බුද්ධිය සමඟ සහසම්බන්ධ වූ විට ක්‍රියා කළ හැකි තීක්ෂ්ණ බුද්ධිය ළඟා කර ගැනීමට උපකාරී වන පහත කරුණු අපි ඇතුළත් කරමු.

  • වරාය ඇමතුම් සහ බහාලුම් ගමනාගමනය:
    IHS Markit සමඟ අපි බහාලුම් වරායන් සඳහා කාර්ය සාධන දර්ශක නිර්මාණය කරමු. කුඩා නැව්වලට වඩා විශාල නැව් වරායේ (සාමාන්‍යයෙන්) වැඩි කාලයක් ගත කළත්, එක් කන්ටේනරයකට වරායේ කාලය නැඹුරු වේ. විශාල වරාය ඇමතුම් සමඟ බැසීමට.
  • වරායේ සහ තොග භාණ්ඩ ප්‍රවාහනයේ කාලය:
    නැව් අගය සමඟ අපි වියළි තොග සහ ටැංකි ගමනාගමනය සඳහා කාර්ය සාධන දර්ශක සපයන්නෙමු. පැටවීම බෑමට වඩා වේගවත් වන අතර විශාලතම අපනයනකරුවන් හොඳම කාර්ය සාධනය වාර්තා කරයි.
  • හරිතාගාර-වායු විමෝචනය නැව් වර්ග සහ ජාතික යාත්‍රා සඳහා පවරා ඇත:
    Marine Benchmark සමඟ අපි ප්‍රධාන යාත්‍රා වර්ග සහ ලියාපදිංචියේ ප්‍රමුඛ ධජ සඳහා විමෝචන ප්‍රවණතා පෙන්වමු.බහාලුම් නැව් ටොන්-සැතපුමකට වැඩි විමෝචනයක් නිපදවයි, අන්‍යෝන්‍ය වශයෙන්,මක් නිසාදයත්, ඒවා අනෙකුත් බොහෝ යාත්‍රා වර්ග වලට වඩා වේගයෙන් යා හැකි බැවිනි.

“අපි සැමවිටම RMT ප්‍රකාශනවලට දායක වීමට උනන්දු වන අතර අපගේ කර්මාන්තය තුළ සිටින සමාගම්වල දායකත්වයද භුක්ති විඳින්නෙමු. එවැනි උත්සාහයන් මගින් පුළුල් පරිසර පද්ධතිය සඳහා දෘශ්‍යතාව ඉහළ නැංවීම සඳහා AIS බුද්ධිය තවදුරටත් භාවිතා කිරීමට හැකි වේ.” යැයි Marine Traffic හි දත්ත ප්‍රධානී ස්ටෑලියෝ සට්‍රැටිඩැකිස් පැවසීය. “වසරින් වසර, සමුද්‍රීය විශ්ලේෂණ සම්බන්ධයෙන් සාර්ථක වීමේ යථාර්ථවාදී මෙට්‍රික් එකක් වන තීක්ෂ්ණ බුද්ධිය අභිසාරී වන ආකාරය සහ තීරණ ගැනීමට පහසුකම් සපයන ආකාරය සටහන් කිරීම ඇත්තෙන්ම සිත්ගන්නා කරුණකි” යනුවෙන් ඔහු වැඩිදුරටත් පැවසීය.

අපට වෙන කවරදාටත් වඩා AIS දත්ත අවශ්‍යයි.

AIS දත්ත දිගුකාලීන ප්‍රවණතා සහ කාර්ය සාධනය නිරූපණය කිරීමට සහ විශ්ලේෂණය කිරීමට ඉතා ප්‍රයෝජනවත් මෙන්ම වෙළඳ සංඛ්‍යාලේඛනවලට අනුපූරකයක් ලෙස ද පෙන්වා දී ඇත’ MarineTraffic ද සහභාගී වන එක්සත් ජාතීන්ගේ AIS කාර්ය කණ්ඩායම (AIS දත්ත පිළිබඳ කාර්ය කණ්ඩායම – UN-CEBD) එවැනි ගැටළු සම්බන්ධයෙන් කටයුතු කරයි. එමගින්, වසංගතය අතරතුර විවිධ වරායන්හි රඳවා තබා ඇති බහාලුම් රැගෙන යා හැකි ධාරිතාව මැනීමට, ගමනේ වේගය ගණනය කිරීමට සහ සූවස් ඇළෙහි නැව් සිරවී ඇති විට තදබදය නිරීක්ෂණය කිරීමට AIS දත්ත භාවිතා කරනු ලැබේ.

වරායේ යාත්‍රා කාලය සම්බන්ධයෙන් ගත් කල, MarineTraffic විසින් සපයන ලද අපගේ වරාය-තුළ-කාල දත්ත පෙන්නුම් කරන්නේ 2021 පළමු භාගය තුළ බහාලුම් 2019 පළමු භාගයේ පූර්ව covid වලට වඩා සාමාන්‍යයෙන් 12% ක කාලයක් වරායේ ගත කරන බවයි. AIS දත්ත “වරායේ කාලය” විසින් හදුනා නොගත්, වරාය ප්‍රදේශයෙන් පිටත රැඳී සිටින හෝ රැඳවුම් රටාවක සිටින නැව් හඳුනා ගැනීමට උපකාර කරයි. වරායක සිට තවත් වරායක් දක්වා කාලය ආවරණය කිරීමට සහ වරායෙන් පිටත රැඳී සිටින ස්ථාන හඳුනා ගැනීම මේ සම්බන්ධයෙන් උපකාරී වේ.

ඉදිරි දශක කිහිපය තුළ නාවික හා වරායන් සඳහා ඇති විශාලතම අභියෝගය වන්නේ නැව් ගමනාගමනයේ කාබන්ඩයොක්සයිඩ්කරණයයි.මෙහිදීද, AIS දත්ත උපකාරි විය හැකිය. එනම්,උදාහරණයක් ලෙස ජාත්‍යන්තර සමුද්‍රීය සංවිධානයේ (IMO) ගන්නා ලද ක්‍රියාමාර්ගවල විභව බලපෑම් තක්සේරු කිරීමේ ආදානයක් ලෙස.

සමහර අවස්ථාවලදී, වාණිජමය වශයෙන් සංවේදී හෝ පුද්ගලික දත්ත සමුද්‍ර ලෝකය තුළ හොඳින් ආරක්‍ෂා වී ගෞරවාදරයට පාත්‍ර වී ඇති බව සහතික කිරීම පිළිබඳ කනස්සල්ල මතු විය හැකිය. එවැනි උත්සුකයන් ආමන්ත්‍රණය කිරීම වැදගත් වන අතරම, මෑත වසරවල AIS දත්ත මත පදනම්ව ලබා ගත් ගෝලීය විස්තීරණ ආවරණය පවත්වා ගෙන යාම සහ වැඩිදියුණු කිරීමද අප සහතික කළ යුතුය. සමුද්‍රීය ප්‍රවාහන සේවා සපයන්නන් මුහුණ දෙන අභියෝග දිනෙන් දින සංකීර්ණ වෙමින් පවතී. වරාය තදබදය අවම කිරීමේ අවශ්‍යතාවය, පාරිසරික ගැටළු වලට ප්‍රතිචාර දැක්වීම සහ විනිවිදභාවය සහ දෘශ්‍යතාව සහතික කිරීම එම අභියෝග අතරට ඇතුළත් වේ.  AIS දත්ත රැස් කරන, සම්ප්‍රේෂණය කරන සහ ඒකාබද්ධ කරන පාර්ශ්වකරුවන් ඉහත ඉදිරිපත් කර ඇති විවිධ භාවිතයන් අනාගතයේදී ද පවත්වා ගත හැකි බව සහතික කිරීම සඳහා අඛණ්ඩව එක්ව කටයුතු කළ යුතුය.

-ජැන් හෝෆ්මන්- UNCTAD හි වෙළඳ ලොජිස්ටික්ස් ශාඛාවේ ප්‍රධානී, තාක්ෂණ හා සැපයුම් අංශය

පරිවර්තනය – ෂකිලා එච්. අතුකෝරල

Leave a Reply

*

six + eleven =